Қарағанды облысында «Жорық» ақпараттық туры өтті

Қарағанды облысында бір күндік «Жорық» ақпараттық туры ұйымдастырылды. Турдың негізгі мақсаты – өңірдің туристік әлеуетін таныстыру, ат туризмін дамытуға қолдау көрсету және облыстың табиғи әрі тарихи-мәдени көрікті жерлерін кеңінен насихаттау. Ақпараттық турға журналистер, блогерлер, туроператорлар, гидтер, ат клубтарының өкілдері және туризм саласының мамандары қатысты. Қатысушылар атпен өңірдің көркем жерлерін аралап, туристік нысандармен және табиғи ландшафттармен танысты. Сонымен қатар олар қазақ халқының атқа міну мәдениеті мен көшпелі дәстүрлері туралы мол мағлұмат алды. Тур барысында этнотуризмді, экотуризмді және белсенді демалысты дамыту мәселелеріне ерекше көңіл бөлінді. Қатысушылар өңірдің туристік мүмкіндіктерін өз көздерімен көріп, Қарағанды облысының табиғаты, туристік бағыттары мен демалыс орындары туралы фото және бейнематериалдар дайындады. Бұл материалдар өңірдің туристік әлеуетін кеңінен таныстырып, жаңа саяхатшыларды тартуға ықпал етеді. «Жорық» жобасы туризм саласы мамандарының тәжірибе алмасуына, ынтымақтастықты нығайтуына және ішкі туристік бағыттарды дәріптеуге мүмкіндік берді. Осындай ақпараттық турлар Қарағанды облысының оң туристік имиджін қалыптастырып, өңірге деген қызығушылықты арттыруға және туризмнің дамуына өз үлесін қосады. Бұл жоба Қарағанды облысында ат туризмін, экотуризмді және этнотуризмді дамытуға барлық мүмкіндік бар екенін тағы бір мәрте көрсетті. Өңір қонақтарына әсем табиғат, ұлттық дәстүрлер және қызықты туристік бағыттардың үйлесімін ұсынады.