Туризм саласын цифрландыру мәселелері бойынша жұмыс кеңесі өтті

Талқылауға Kaspi Travel, Freedom Travel, Aviata өкілдері, сондай-ақ «Атамекен» Ұлттық кәсіпкерлік палатасы және Қарағанды облысының Ақпараттандыру басқармасы қатысты. Негізгі назар туроператорлардың қызметін цифрландыруға, заманауи онлайн-шешімдерді енгізуге, брондау сервистерін интеграциялауға және туристік нарықтың ашықтығын арттыруға аударылды. Кездесу аясында өңірлік туристік өнімдерді цифрлық платформаларға қосу, сервистерді банктік қосымшалар экожүйесіне интеграциялау, сондай-ақ бизнес, мемлекеттік органдар және IT-құрылымдар арасындағы жүйелі өзара іс-қимылды қалыптастыру мәселелері қаралды. Цифрландыру — бұл жай ғана тренд емес, өңірдің бәсекеге қабілеттілігін арттырудың, саланың ашықтығын қамтамасыз етудің және туристер мен бизнес үшін қолайлы, заманауи экожүйе қалыптастырудың қажетті қадамы.